Löggiltar skjalþýðingar teljast vera allar þýðingar sértæks eða almenns texta af einu tungumáli yfir á annað þar sem löggiltur þýðandi vottar þýðinguna með undirritun sinni og stimpli með þeim hætti að hún teljist jafngild frumskjalinu.

​

Oftast er um að ræða skjöl gefin út af hinu opinbera svo sem fæðingar-, hjúskapar- og sakavottorð, en Þjóðskrá Íslands gerir kröfu um slíka pappíra þegar einstaklingar sækja um kennitölu og/eða ríkisborgararétt. Þá tekur Þjóðskrá Íslands aðeins við skjölum á íslensku, ensku eða norðurlandamálunum.

​

Fjölmargir löggiltir skjalþýðendur prýða þýðendaskrá Alþjóðaseturs sem gerir okkur kleyft að bjóða upp á löggiltar skjalþýðingar af öllum opinberum tungumálum Evrópu, ýmist yfir á ensku eða íslensku.​

 

Biðtími eftir löggiltum skjalþýðingum ræðst alfarið eftir tungumáli þar sem að á sumum tungumálum eru margir aðilar að sinna fáum verkefnum á meðan að á öðrum er aðeins 1 aðili að sinna öllu landinu. Sum tungumál er meira að segja ekki hægt að láta þýða hér á landi og því aðeins í boði að senda þau til erlendra þýðanda. Þá eru skjölin þýdd yfir á ensku, ýmist beint eða fyrst yfir á þriðja tungumál eftir þörfum, og svo send til Íslands með bréfpósti. Sú leið eykur framboð tungumála til muna en tekur í kring um 4-6 vikur sökum seinagangs hefðbundinnar póstþjónustu.